منتديات العرب عرب
أهلا بكم في منتديات العراق عرب , نرحب بأعضائنا الأحبة و كذلك الزوار الكرام اللذين نرجوا منهم التسجيل لدينا

منتديات العرب عرب

عام لكل العلوم والمعرفة المتعلقة بالمجتمع
 
الرئيسيةالرئيسية    س .و .جس .و .ج  بحـثبحـث  التسجيلالتسجيل  دخول  

شاطر | 
 

  وحد الهاك.هشام الجخ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حمورابي
عضو مميز
عضو مميز
avatar

علم الدولة :
رقم العضوية : 16
الجنس : ذكر
تاريخ التسجيل : 30/03/2010
عدد المساهمات : 3300
نقاط : 5347
الجنسية : عراقية
اعلام خاصة :
الاوسمة :



مُساهمةموضوع: وحد الهاك.هشام الجخ    الأحد 29 يناير 2017, 4:31 pm

وحد الهاك.هشام الجخ

وحّد إلهك ..
واترمي كنَفه وجنابه ..
واشكره ..
وامّا تيجي تشكره .. أشكره ..
إنه علّم حد فينا يعلّمك .. إزاي بقلبك تذكره .. وتشكره ..
وحّد إلهك ..
واترمي في كنفه وجنابه ..
ما تفارقش ف يوم عَتابه ..
واسعى سعيك .. احبي حبيك ..
وامشي مشيك .. واجري جريك ..
مهما تقلت المعاصي .. اوعى تيأس ..
ربنا مش زيّه زيّك .. ربنا بس اللي ما بيقفلش بابه ..
فاحتمي ف كنفه وجنابه ..
واحفظ السكة اللي ترجع منها ليه ..
إن عصيت .. وأكيد حتعصى .. استحي وارجع ناديه ..
اللي دخلوا الجنة يا ابني مش ملايكة ..
اللي دخلوا الجنة كانوا زي ابوك ..
شنقوا من كتر المعاصي .. بس تابوا ..
وانت حظك .. ان ربك رحمته سبقت عذابه ..
فاترمي ف كنفه وجنابه …..
عينك على امك ..
مهما كان حجم انشغالك ..
اوعى تكبر وانت مش واخد بالك ..
اوعى تعرج .. ولا تتقل ودنها ومتاخدش بالك ..
اوعى يلهيك عنها حالك ..
عايز امّا اموت ..
يفضل لي كف وعين وصوت ..
وكتف تتسند عليه متكلفتة ..
ونفس يدفي فرشها ف برد الشتا ..
وقلب مطمن بإني مشيت وسبتها لك ..
فاوعى يلهيك عنها حالك..
طول حياتها .. شيلها في عنيك وف وريدك ..

حج بيتها كل يوم .. بيتها ريدك ..
في المدافن وانتو جايين حابقى في العين اللي جنبك ..
حابقى شايفك ..
عايز اشوفك وانت بتنزلها بيدك ..
وانت صاين لحمها لحد الممات ..
سيبها تتباهى بآخر لمسة منك لما تنزل وسط باقي الأمهات ..
حتقول ده ولدي .. صلب ابوه ..
جبته للشيلة الأخيرة .. وسبته لاخواته البنات ..
أوعى تطلع واد جبان ..
اجري خلف الموت يخافك ..
موت فدا البلد اللي ربت لك كتافك ..
اوعى تنكر خيرها زي الخوانين ..
الطماعين اللحاسين الكدابين ..
اوعى لينسوك يا ولدي انت مين ..
وابن مين ..
اوعى ماتفرقش بين العفيانين والورمانين ..
اقرا من كتب الشمال ..
واقرا من كتب اليمين ..
اقرا لصحاب البلاط ..
واقرا أدب المسجونين ..
شوف حكومات السياط ..
واقرا سيرة الراشدين ..
أوعى لينسوك يا ولدي .. مصر مين ..
أوعى تركن للكلام اللي يوماتي بنسمعه م الرغايين ..
مصر خوفو .. مصر خفرع .. الحضارة .. السنين ..
لا يا ولدي .. مصر انت .. مصر شغل وناس بتعرق ..
مصر جيش من غيره نغرق ..
مصر حواليها العِدا متربصين ..
اوعى تنضم لعشيرة البياعين ..
حتى لو تهموك يا ولدي زي ابوك وقالوا كافر ..
قل لهم أنا ديني ربي .. وبعد منه .. مصر دين ..
آخر وصية ..
لما تكبر حتلاقينا في التاريخ ..
باب صغير .. حيداروه .. مكتوب عليه (شباب ثاير) ..
مش بعيدة يعلموكم في المدارس وقتها إن اسمها نكسة يناير ..
قل لجيلك .. إنها ماكانتش نكسة ..
واننا جيل البداية وانتو دوركم جاي لسة ..
وافرد كتافك واحكي عن جيلي بفتوة ..
عايز الناس لما تسمع نبرتك في الميكروفون يقولوا (هو) ..
اللي خلف لسة عايش ..
لسة صوته ونبرته فيها الوجع ..
لسة واقف ضد ظلم الجبارين .. وقفة جدع ..
آخر وصية ..
سبت لك ورثك براح .. تسقي كرمه يزيد ويكرم ..
سبت لك ستر وجناح .. عقل يفهم .. قلب يرحم ..
سبت لك حب الغلابة .. ناس كتيرة .. جيش عرمرم ..
وان جم يقايضوك بالفلوس .. ويقعدوك وسط الكبار .. ويسكتوك ..
قل لهم أنا زي ابويا ..
لا عمره كَلّ فضلة موايد .. ولا عمره رمرم ..
سبت لك حب الغلابة .. أغلى من كل الدهب .. واكتر .. وأعظم.
شعر باللهجة المصرية العامية





الرجوع الى أعلى الصفحة اذهب الى الأسفل
الفيلسوف
عضو مميز
عضو مميز
avatar

رقم العضوية : 25
الجنس : ذكر
تاريخ التسجيل : 30/11/2009
الدلو
الديك
عدد المساهمات : 2305
نقاط : 4167
تاريخ الميلاد : 01/02/1970
العمر : 47
اعلام خاصة :
الاوسمة :



مُساهمةموضوع: رد: وحد الهاك.هشام الجخ    الثلاثاء 31 يناير 2017, 10:02 am

بارك الله فيك على هذا الموضوع المفيد والنافع




الرجوع الى أعلى الصفحة اذهب الى الأسفل
حمامة الرافدين
مشرف منتدى الاسره
مشرف منتدى الاسره
avatar

علم الدولة :
رقم العضوية : 31
الجنس : انثى
تاريخ التسجيل : 20/11/2010
السمك
التِنِّين
عدد المساهمات : 3990
نقاط : 6057
تاريخ الميلاد : 04/03/1988
العمر : 29
الموقع : ارض الله الواسعة
العمل/الترفيه : الحمد لله
الجنسية : عراقية
المزاج : عادي
اعلام خاصة :
الاوسمة :





مُساهمةموضوع: رد: وحد الهاك.هشام الجخ    الأربعاء 15 فبراير 2017, 9:23 am

موضوع وطرح شيق
ورائع اعجبني ورآق لي
شكراً جزيلاً لك .




الرجوع الى أعلى الصفحة اذهب الى الأسفل
 
وحد الهاك.هشام الجخ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العرب عرب :: منتدى الادب والثقافة :: قسم الشعر الشعبي-
انتقل الى: