منتديات العرب عرب
أهلا بكم في منتديات العراق عرب , نرحب بأعضائنا الأحبة و كذلك الزوار الكرام اللذين نرجوا منهم التسجيل لدينا

منتديات العرب عرب

عام لكل العلوم والمعرفة المتعلقة بالمجتمع
 
الرئيسيةالرئيسية    س .و .جس .و .ج  بحـثبحـث  التسجيلالتسجيل  دخول  

شاطر | 
 

 ايام المزبن كظن- تكطن ياايام اللف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
انوار
مشرف منتدى الجغرافيه وعالم الحيوان والطيور
مشرف منتدى الجغرافيه وعالم الحيوان والطيور
avatar

علم الدولة :
رقم العضوية : 8
الجنس : انثى
تاريخ التسجيل : 04/04/2009
عدد المساهمات : 4707
نقاط : 9440
الموقع : ارض الرافدين
الجنسية : عراقية
اعلام خاصة :
الاوسمة :





مُساهمةموضوع: ايام المزبن كظن- تكطن ياايام اللف   الثلاثاء 16 أغسطس 2016, 4:12 pm

ايام المزبن كظن- تكطن ياايام اللف

القصيدة لمظفر النواب
القصيدة بمنتهى الروعة لمتذوقي الشعر الشعبي العراقي ويكفي ان كاتبها هو مظفر النواب ويكفي المقطع التالي لتكون من أجمل القصائد الغزلية الوطنية
يكَضن وارد يا ديرتي
لحسنج واموتن عَ التبن
شوكَي الج ، شوكَ الكَطه التايه
وموعات الدهن
هَم آنه أضوكَ أميَتج
واركض بزخات المزن
دونج . يحز بلوزتي الخنجر
وأكابر . عيب أون .
تانيني يا ديرة هلي
وخلي الرصاص اعله الجف
أيام المزبّن كَضن
تكَضن يا ايام اللف .

دِكَ راسك ، ابكَاع العرس
واصعد مراجف للدف
أيام المزبَّن كضن
تكَضن يا ايام اللف .
هيلك صلف . كلّش صلف
تلني وِلحس بِعراني
أشحرّك يا ابو عكَال الترف
دكَ غفوتي ووعاني
من ازمان شوك مياسمي
وما مِش نده بغدراني
وانت عل أخضر بايع العشره
شَكَلّك . تاني ؟
دِكَ مَتنك ابحجل العرس
وانكَز نكَزتك للدف
الدنيه غرشه ، وصم تِتن
وتدور بينا ونلتف .
يا اسمر . اشكثر اتغرنكَت
يلما شفت مثلك وِنس .
ابعد يّبعد امحبتي
انوجي عله غروب الشمس
خَل نوصل إلفيّة كَصب
واذبحلك أميّة النفس
سِتري بعكَالك يا ترف معكَود
وفَلته بمي العرس
دكَ سترك بستر العرس
وبضحكتك حَنّي الدف
عطشانه , وأنت أُميّتك
ما توكَف بحنّه الجف .
حته الكَصب شَب ابعِكَد
بوسه تشِب من بوسه
حِسها شدهني
وخاف كَلبي
ولذت بالجاموسه
جا هاذي عملات العشكَ
كَلبي ، وأكَلك دوسه
موش انته صوجك يا شهم
كَلبي وكَع ناموسه .
دِكَ راسك ابكَاع العرس
واصعد امراجف للدف
أيام المزبَّن كَضن
تَكَضن يا ايام اللف .
هّدِّل رموشك
هَدّل اعله الروح
لَمّن تروَه
يمعذب ظنوني
ذراني الشوك
وانت بذروه
خي لا تعذب الروح
يا مدلول سَوه أمروه
كلفه أكَلك
تذبح الزردوم
حَبة الخُوه .
خنجر وجفية غوه
وكل كَذله ريحانة طَف
جني مشيت لدخلتي
ويدفعني رمشك لو رَف
ابياهي أعاتب ؟
شو بحت روحي
وكَضت توميلك
طرزت روحي
بريسم أشكَر
يا ترف ، بشليلك
كون آنه اكودن مُهرتك
كل العمر واحجيلك
جم دوب اعاتب
والعتب ينساك ويساويلك
أبدي عتبتي
لو إلَك كَبل العتب عذر ولف
كَبلك يغالي ، نومتي
لا الها مخدّه ولا شف .
جم ليطه من هذا الكَصب صابتك
واسلتها بصبر
دَمنَه اشكثر حنّه الشِلب
واشكثر داوينه اشكثر ؟
جم سكته فوكَ الموت
ولوبة جوع وتترجه النصر ؟
دكَ راسك
براس العرس
واشرب دمعتي بالدف
أيامي وايامك كّضن
بين المزبَّن واللف .
التمسك ، أبرد الصبح . أزركَ
امرصع بالشذر
التمسك ، بفي الضحى
أمسَلهم بنسمات الفجر
التمسك بجود النبع
بأميّته ، بحر الظهر
لا تجي شايلك عذر
كَلفه يلسمر تعتذر .
عذرك يحزني من النحر
لا تجي ولا تتوسف
خلِّ الفراكَ بلا شمس
والدمع بالفي ينشف .
اش . لا توَعي المزنه
وتسودن حنيني بعذرك
آنه كَربت بور الفلا
وطشيت صبري وصيرك
وسكيت ، وضميت الشمس لليل
عود انتظرك
تاليها ريحان وملح
جا هذا كَدري وكَدرك ؟
عذرك ، يشكَ مرارتي
لا تجي وتتوسف
جذباتك تسل الخشب
يفلان وتشكَ الدف
نَعثِر كَذلتك
ودَلع زياكَك
بعد واتهدل
ظلت انجيمه والصبح
كِلسه يتثاوب منجل
والسلف دخان اكَهوه
دلة الصبح تتدلل
نامن بنات الناس
والشكَره بحنطتك
تصهل
حط راسك بكَاع العرس
واشرب حنينك بالدف .
حنَّيت جفي
بلا عرس
للعتب عود أندهلك
ولضمت كَذلة مهرتك بدموعي
كلهم لَهلك
لا وين ، كَلي يا ترف
مشبوج غزلي وغزلك
يا ضيم روحي
شميَّل الدنيا
وتميّل عِدلك ؟
دِكَ راسك ابكَاع الحبس
ما نوكَع أنحب الجف
أيام المزبّن كضن
تكَضن يا ايام اللف .
لا وين كَصدك
شايل بهَليّل
رَكد روحك
خذني أذل الدوله
لو رادت تذل جروحك .
معتَّب . خلص بيّه الجرف
ما بيّه صبر دموعك
ولا بيّه ابجي كَبال باب العدو
واطفي شموعك .
دكَ راسك ابكَاع الحبس
ما نوكَع . انحب الجف .
أيام المزبّن كضن
تكَضن يا ايام اللف .
كتّي الدمع بالفرح
لا تبجين
كلفه جراحي
مصوّب واخفكَ عل الكَصب
والليط صار جناحي
كِلساع أطيحن
واهجس الذله
وأشبَّن صاحي
معتَّب يدهري
شكثر حسباتك
وروحي تناحي .
تانيني يا حنطة هلي
وزَيتي الزمر لا ينشف
ماطول بالريّه نفس
ما نوكَع , انحب الجف
يكَضن وارد يا ديرتي
لحسنج واموتن عَ التبن
شوكَي الج ، شوكَ الكَطه التايه
وموعات الدهن
هَم آنه أضوكَ أميَتج
واركض بزخات المزن
دونج . يحز بلوزتي الخنجر
وأكابر . عيب أون .
تانيني يا ديرة هلي
وخلي الرصاص اعله الجف
أيام المزبّن كَضن
تكَضن يا ايام اللف .
رِد والكَصايب رسن مهرتك
ونومي الحالي
أركض كَبالك وانده الحلوات
رَد الغالي
رَد الغالي .
أحنه بنكَيصة ماي يا ناعور
وجرفك عالي
وفات الوكت
والليل حَط حزّه
بكتر دلاّلي
خنجر وجفية غُوه
وكل كَذله ريحانة طف
جني مشيت لدخلتي
ويدفعني رمشك لو رف .
حته الكَصب
شَي بعكَد
بوسه تشب
من بوسه
حسها شدهني
وخاف كَلبي
ولذت بالجاموسه
جا هاذي عملات العشكَ
عمري ، واكَلك دوسه
موش انت صوجك يا شهم
دهرك وكَع ناموسه




الرجوع الى أعلى الصفحة اذهب الى الأسفل
سومري
عضو مميز
عضو مميز
avatar

علم الدولة :
رقم العضوية : 16
الجنس : ذكر
تاريخ التسجيل : 12/09/2009
عدد المساهمات : 3913
نقاط : 5840
الجنسية : عراقية
الاوسمة :





مُساهمةموضوع: رد: ايام المزبن كظن- تكطن ياايام اللف   الخميس 18 أغسطس 2016, 1:32 pm

موضوع وطرح شيق
ورائع اعجبني ورآق لي
شكراً جزيلاً لك .




الرجوع الى أعلى الصفحة اذهب الى الأسفل
محمد احمد
عضو مميز
عضو مميز


علم الدولة :
رقم العضوية : 77
الجنس : ذكر
تاريخ التسجيل : 15/01/2012
عدد المساهمات : 2701
نقاط : 4013
الجنسية : عراقية
المزاج : احيانان سعيد جدا واحيانان غاضب جدا
اعلام خاصة :
الاوسمة :




مُساهمةموضوع: رد: ايام المزبن كظن- تكطن ياايام اللف   الأربعاء 24 أغسطس 2016, 8:16 pm

مشاركة رائعة
إبداع في الطرح وروعة في الإنتقاء




الرجوع الى أعلى الصفحة اذهب الى الأسفل
انوار
مشرف منتدى الجغرافيه وعالم الحيوان والطيور
مشرف منتدى الجغرافيه وعالم الحيوان والطيور
avatar

علم الدولة :
رقم العضوية : 8
الجنس : انثى
تاريخ التسجيل : 04/04/2009
عدد المساهمات : 4707
نقاط : 9440
الموقع : ارض الرافدين
الجنسية : عراقية
اعلام خاصة :
الاوسمة :





مُساهمةموضوع: رد: ايام المزبن كظن- تكطن ياايام اللف   الجمعة 24 فبراير 2017, 9:33 am

أسعدني كثيرا مروركم وتعطيركم هذه الصفحه
وردكم المفعم بالحب والعطاء




الرجوع الى أعلى الصفحة اذهب الى الأسفل
 
ايام المزبن كظن- تكطن ياايام اللف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العرب عرب :: منتدى الادب والثقافة :: قسم الشعر الشعبي-
انتقل الى: